Social Icons

Featured Posts

Monday, 4 September 2017

WAREMBO VYUO VIKUU KUPAMBANA SEPTEMBA 29

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote.

Miss Higher Learning Institutions 2016 , Laura Kwai akipunga mkono baada ya kutangazwa kutwaa taji hilo kwenye Ukumbi wa King Solomoni jijini Dar es Salaam. Kushoto ni mshindi wa pili Evelyn Andrew pamoja na mshindi wa tatu Clara Nyaki.

Warembo wa vyuo vikuu vya Tanzania “Miss Higher Learning Institution 2017” watapanda jukwaani  Septemba  29,  kwenye ukumbi wa King Solomoni, Namanga jijini. Mashindano hayo yameandaliwa na kampuni ya Glamour Bridal Tanzania baada ya kupewa idhini ya waandaaji wa Miss Tanzania, Lino International Agency kwa kushirikiana na Baraza la Sanaa Tanzania (Basata).

Mkurugenzi wa Glamour Bridal Tanzania Muba Saedo alisema kuwa wanatarajia kufanya mashindano yenye upinzani wa hali ya juu kutokana na idadi ya vyuo mbalimbali vilivyothibitisha.
Mbali ya Taasisi ya Ustawi wa Jamii (ISW), mashindano hayo yatashirikisha vyuo vya Taasisi ya Uhasaibu Dar es Salaam (TIA), IFM, CBE, UDOM, Tumaini – Makumira na Taasisi ya Uhasibu wa Arusha (IAA) na Chuo Kikuu Cha Ardhi.

Saedo alivitaja vyuo vingine kuwa ni Mzumbe, Chuo Kikuu cha Iringa, Tanzania Aviation University College na Magogoni. Alisema kuwa bado wanapokea maombi kutoka vyuo mbalimbali na mwisho wa kuthibitisha ni Septemba 11.

“Kwa sasa tunapokea warembo ili kuweza kushiriki katika mashindano haya, kuna vyuo vilifanya mashindano na vingine  vilifanya uteuzi wa ndani na kutuletea majina kutokana na kuepuka gharama za kufanya mashindano,”

“Mpaka sasa kuna warembo ambao wamejitokeza kuwania nafasi tatu za kushiriki mashindano ya Miss Tanzania mwaka huu, kwa vile tunahitaji mashindano bora yenye ushindani wa hali ya juu, bado tunawakaribisha wasichana wanaosoma vyuo mbalimbali kuwasiliana na waandaaji ili kujaribu bahati yao,” alisema Saedo.

Kwa mujibu wa Saedo warembo wanaotaka kushiriki katika mashindano hayo wanatakiwa kuomba kupitia instagram page @higher­_learning_miss_tz_2017 au kupitia mubasaedo4me@gmail.com, msaedo@glamourbridal@gmail.co.tz na jmsendo@glamourbridal.co.tz.

RITA YAWAONGEZEA MUDA WANAFUNZI KUHAKIKI VYETI

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 
 Imeandikwa na Mwandishi Wetu
Kaimu Ofisa Mtendaji Mkuu wa Rita, Emmy Hudson
WAKALA wa Usajili, Ufilisi na Udhamini (RITA) umeongeza muda wa kupokea maombi ya uhakiki wa vyeti vya kuzaliwa na vifo kwa wanafunzi wanaoomba mikopo ya masomo ya elimu ya juu mwaka 2017/2018 hadi Septemba 7, mwaka huu.
Kaimu Ofisa Mtendaji Mkuu wa Rita, Emmy Hudson alisema hayo katika taarifa yake aliyoitoa kwa vyombo vya habari, na kuwataka waombaji wote wa mikopo ya masomo ya elimu ya juu ambao hawajawasilisha vyeti vyao kwa ajili ya kuhakikiwa wahakikishe wanatuma maombi ndani ya muda huo.
“Baada ya tarehe hiyo ofisi itashughulikia maombi yaliyotumwa kwa njia ya barua pepe au kuwasilishwa moja kwa moja katika ofisi zetu zilizopo kwa wakuu wa wilaya na Rita Makao Makuu na kutoa majibu kwa waombaji,” alisema Hudson.
Pia alisema wananchi waliotuma maombi yao kwa njia ya barua pepe wanaendelea kujibiwa na wale waliowasilisha katika ofisi yao Makao Makuu jijini Dar es Salaam wafike. Wiki iliyopita, Bodi ya Mikopo ya Wanafunzi wa Elimu ya Juu (HESLB) iliongeza muda wa siku saba kuanzia Septemba 4, 2017 hadi 11, mwaka huu ili waombaji wenye sifa wawasilishe maombi yao kabla ya kufungwa kwa dirisha la maombi.
Mkurugenzi Mtendaji wa HESLB, Abdul-Razaq Badru alisema hadi kufikia wiki iliyopita, jumla ya waombaji wa mikopo kwa njia ya mtandao walikuwa 49,282, kati yao waombaji 15,473 wakiwa wamekamilisha maombi yao kwa njia ya mtandao kwa kufuata taratibu zote za uombaji zilizotolewa na Bodi.
Alisema kwa takwimu za maombi hayo, wapo waombaji 33,809 ambao wapo katika hatua mbalimbali za kuambatanisha nyaraka zao za maombi na kuwataka wale ambao hawajakamilisha kuwasilisha maombi yao ya mikopo kama ilivyoelekezwa.
Alisema waombaji wa mkopo wanatakiwa kuambatanisha nyaraka zao kwenye mfumo wa mtandao wa maombi hayo (OLAMS) kukiwa na nyaraka zilizosainiwa na viongozi wa serikali za mitaa na makamishna a viapo au Hakimu na kuziweka katika mtandao huo.
Hatua mojawapo ni kuwa na nakala ya cheti cha kuzaliwa kilichothibitishwa na Rita na kama muombaji atakuwa yatima, awasilishe nakala ya cheti cha kifo kilichothibitishwa na Rita. “Iwapo muombaji alifadhiliwa, awasilishe nakala ya barua kutoka taasisi iliyofadhili masomo na nyaraka nyingine muhimu zinazothibitisha uhitaji wa muombaji,” alieleza Badru.
CHANZO HABARI LEO

Tuesday, 29 August 2017

CHUO KIKUU DAR NI DARAJA AEC

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 

 Imeandikwa na Lucy Ngowi
Ukumbi wa Nkurumah ndio kielelezo cha Chuo Kikuu cha Dar es Salaam
UONGOZI wa Chuo Kikuu cha Dar es Salaam, moja ya vyuo vikongwe na vyenye heshima kubwa katika Ukanda wa Afrika Mashariki, umesema una mikakati mingi ya kukifanya kuendelea kuwa bora ndani ya Ukanda husika, Afrika na duniani kwa ujumla, ili kiendelee kuwa daraja la kielimu.
Aidha, kimesema kama kilivyotoa wasomi bora wanaoendelea kushika nyadhifa mbalimbali ndani na nje ya Afrika, bado kinaendelea na kitaendelea kutoa wasomi walioiva kwa soko la ajira.
Hayo yamesemwa na Mkurugenzi wa Huduma kwa Umma wa chuo hicho, Dk Mona Mwakalinga. “Chuo Kikuu Dar es Salaam kinazalisha viongozi wanapotoka hapa, ndiyo maana kimetoa marais wa nchi mbalimbali, mawaziri wakuu, wakuu wa taasisi za kimataifa, na wengine wengi, hakika orodha ni ndefu.
“Hiki ni chuo pendwa Tanzania na Afrika Mashariki, ni sehemu ambayo ni chaguo la kwanza la wanafunzi kabla ya kuomba vyuo vingine,” alisema Dk Mwakalinga aliyeongeza kuwa, chuo kina Kurugenzi ya Ushirikiano wa Kimataifa ambayo inahakikisha inakiuza chuo ndani na nje ya nchi ili kipate walimu na wanafunzi.
Amesema mwanafunzi anapomaliza masomo yake chuoni hapo anaweza kuuzika katika nchi za Afrika Mashariki na ulimwenguni pote. Dk Mwakalinga alisema hayo alipokuwa akizungumza na Habari Leo kuhusu uhusiano wa chuo hicho na wanafunzi wa Jumuiya ya Afrika Mashariki wanaomaliza chuoni hapo.
Alisema mwanafunzi yeyote anayetoka UDSM, anaweza kwenda vyuo vikuu vya Nairobi nchini Kenya ama Kampala nchini Uganda na kuendelea na masomo yake. “Katika Afrika Mashariki tuna umoja wa kushirikishana wanafunzi na walimu.
UDSM tunatoa taaluma ambayo mtu akitoka chuoni hapa anaweza kwenda Nairobi kuendelea na masomo,” alisema na kuongeza kuwa pia kinamsaidia mwanafunzi anayesoma hapo kuuzika Afrika Mashariki na kwingineko.
Alisisitiza kuwa chuoni hapo milango ipo wazi kwa wanafunzi wote, pia kuna walimu wanatoka hapo na kwenda kufundisha vyuo vingine vya Afrika Mashariki na walimu wa nchi za Afrika Mashariki wanakuja chuoni hapo kufundisha.
Alisema chuo kimekuwa kinapokea wanafunzi kutoka Kenya, Uganda, Burundi na nchi nyingine zenye makubaliano maalumu, ikiwemo Angola. Chuo hicho, kimetoa marais, wakiwemo Jakaya Kikwete aliyeiongoza Serikali ya Awamu ya Nne Tanzania, na Dk John Magufuli, rais wa sasa.
Wengine ni Yoweri Museveni wa Uganda, Rais wa zamani wa Benki ya Maendeleo Afrika (AfDB), DK Donald Kaberuka ambaye ni raia wa Rwanda, Mwanasheria Mkuu wa zamani wa Kenya, Willy Mutunga, John Garang, Makamu wa Kwanza wa Rais wa Sudan.
Pia kimetoa Mawaziri wakuu wanne wa Tanzania, Kassim Majaliwa aliyepo madarakani, Joseph Warioba, Mizengo Pinda na Edward Lowassa. Aliyekuwa Naibu Katibu Mkuu wa Umoja wa Mataifa, Dk Asha Rose-Migiro pia ni miongoni mwa matunda ya UDSM, kama ilivyo kwa Eriya Kategaya, Naibu Waziri Mkuu wa Uganda aliyekuwa pia Waziri wa Ushirikiano wa Afrika Mashariki. Orodha ni ndefu, lakini UDSM kinaahidi kuendelea kuibua wasomi na watendaji katika taasisi mbalimbali zenye kiwango cha kimataifa.
CHANZO HABARI LEO

Wednesday, 16 August 2017

WANAFUNZI WA SAYANSI KULAMBA 40% MIKOPO

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote






Imeandikwa na Ikunda Erick
Mkurugenzi Mtendaji wa Bodi ya Mikopo ya Wanafunzi wa Elimu ya Juu (HESLB), Abdul Razaq Badru
ZAIDI ya wanafunzi 30,000 wa vyuo vya elimu ya juu nchini kwa mwaka mpya wa masomo 2017/18, watanufaika na Sh bilioni 427 kutoka Bodi Mikopo ya Elimu ya Juu (HESLB), huku wanufaika hao wakiwekwa kwenye mikondo mitatu.
Akizungumza na gazeti hili jana, Mkurugenzi Mtendaji wa HESLB, Abdul –Razaq Badru alisema kwa mwaka huu wanufaika wasiopungua 30,000 watapata mikopo ya elimu kulingana na fani walizochagua kusoma.
Akifafanua idadi na kiwango cha mkopo kitakachotolewa kwa kila mkondo kulingana na fani watakazosoma, Badru alisema bodi imepanga mikondo mitatu ya mikopo. Mkondo wa kwanza unawahusu wanafunzi wa fani za afya, sayansi ya elimu na hesabu, ambapo kundi hilo litapata asilimia 40 ya mkopo huo ambao ni sawa na Sh bilioni 170.8.
Badru alisema kundi hilo ndilo litapata mkopo mkubwa kuliko makundi mengine kutokana na fani hizo kuwa adimu na zina mahitaji makubwa ya soko nchini hasa kwa kuwapata wataalamu watakaosaidia taifa kwenye sekta za afya, sayansi na elimu.
Mkondo wa pili umepangwa kupata asilimia 35 ya mkopo wote ambao ni sawa na Sh bilioni 149.45 na wanafunzi watakaonufaika ni wale wa fani za uhandisi, kilimo, misitu, sayansi ya ardhi, usafirishaji na fani kama hizo.
Mkondo wa tatu umepangwa kupata asilimia 25 ya mkopo wote ambao ni sawa na Sh blioni 106.75 na wanufaika wa mkopo huo ni wanafunzi wote watakaosoma fani za lugha, sanaa, jamii na fani nyingine kama hizo.
Badru alisema pamoja na bodi kuweka mikondo hiyo, lakini pia suala la jinsia litazingatiwa ili kuepusha jinsi moja kuwa na idadi kubwa ya wanufaika wa mikopo hiyo. Katika hatua nyingine kwa mwezi mmoja uliopita, bodi hiyo imekusanya marejesho ya mkopo ya Sh bilioni 31.1 huku ikiweka mikakati ya mwaka huu ya kukusanya kila mwezi zaidi ya Sh bilioni 14.
Mtendaji huyo wa HELSB alisema lengo lao ni kuhakikisha wanufaika wote wanafikiwa na kurejesha madeni yao ili yasaidie wengine kupata elimu. Alisema mikakati yaliyojiwekea kuanzia mwaka huu ni kukusanya zaidi ya Sh bilioni 14 kila mwezi na kwamba tangu mwaka huu wa fedha uanze, kwa mwezi Julai pekee wamekusanya Sh bilioni 31.1 huku sekta ya umma ikiongoza kwa wanufaika wake kurejesha madeni yao.
“Tunakwenda vizuri na tumejiwekea mikakati ya kuhakikisha madeni ya mikopo hiyo yanarejeshwa ili yaweze kunufaisha wengine, kwa sekta ya umma tumefanikiwa kuwafikia asilimia 82 ya wadaiwa wote na sekta binafsi tumefanikiwa kwa asilimia arobaini,” alisema Badru.
Aliongeza kuwa hivi sasa wameweka nguvu kwenye sekta binafsi, kwa kuwa imekuwa vigumu kuwafikia wadaiwa wote kutokana na sekta hiyo waajiriwa wake kuhamahama kila wakati au kuacha kazi.
Akizungumzia mikakati ya kukusanya madeni ya mikopo hiyo, Badru alisema wapo mbioni kuanzisha kampeni ya ‘’Kurejesha mkopo ni uzalendo uliotukuka’’, itakayofanywa nchi nzima kuhamasisha wanufaika wa bodi hiyo kujenga tabia ya kurejesha kwa hiari madeni yao.
Alitaja mkakati mwingine ni bodi hiyo hivi sasa iko kwenye hatua za awali za mazungumzo na taasisi za fedha nchini ili kuona jinsi ya wao kununua mikopo hiyo ya wadaiwa kupitia waajiri wao.
Awali operesheni ya utafutaji, ufuatiliaji na ukaguzi wa wadaiwa sugu wa bodi hiyo mahala pa kazi yaliyoendesha mapema mwaka huu kwa kipindi cha mwaka mmoja uliopita, ilifanikiwa kwa kukusanya Sh bilioni 116 ikiwa ni kiwango cha marejesho cha asilimia 46, huku awali walilenga kukusanya Sh bilioni 76.
Hata hivyo, aliwakumbusha waajiri wote nchini kuhakikisha wanatoa taarifa za waajiri wanaodaiwa na bodi hiyo na kuhakikisha wanakata asilimia 15 ya mshahara yao na kuipeleka bodi ili kulipa madeni yao.
CHANZO HABARI LEO






Tuesday, 15 August 2017

CHUO KIKUU CHA USHIRIKA MOSHI(MoCU) CHATOA ELIMU YA USHIRIKA KWA WAANDISHI WA HABARI.

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 
Makamu Mkuu wa Cho Kikuu cha Ushirika ,Moshi (MoCU) ,Prof,Faustine Bee akizungumza wakati wa ufunguzi wa Warsha ya siku moja ya Elimu ya Ushirika kwa Waaandishi wa Habari wa mkoa wa Kilimanjaro.
Baadhi ya Watumishi wa Chuo Kikuu cha Ushirika Moshi (MoCU) wakishiriki warsha hiyo.
Baadhi ya Waandishi wa Habari wakifuatilia hotuba ya ufunguzi ilitolewa na Makamu Mkuu wa Chuo Kikuu cha Ushirika Moshi (MoCU) katika Warsha ya siku moja iliyofanyika chuoni hapo.
Naibu wa Makamu Mkuu wa Chuo Kikuu cha Ushirika Moshi(MoCU) Taaluma Dkt,Kitala Malamsha akizungumza wakati wa ukaribisho wa mgeni rasmi katika ufunguzi wa warsha ya siku moja ya Elimu ya Ushirika kwa Waandishi wa Habari.
Baadhi ya Watumishi wa Chuo Kikuu cha Ushirika Moshi (MoCU) wakifuatilia mijadla katika warsha hiyo.
Washiriki wa Warsha ya Elimu ya Ushiriki kwa Waandishi wa Habari wakiwa katika picha ya pamoja na Mgeni rasmi Makamu Mkuu wa Chuo Kikuu cha Ushirika Moshi (MoCU) Prof ,Faustine Bee.

Na Dixon Busagaga wa Globu ya Jamii Kanda ya Kaskazini.

WANAFUNZI WANAOKWENDA KUSOMA VYUO VYA NJE LAZIMA WAWE NA VIBALI VYA TCU

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 

 Mkuruegenzi  Mtendaji wa Global Education Link (GEL), Abdulmalik Mollel akizungumza  na Wanafunzi  wanaokwenda kusoma vyuo vikuu vya  nje ya nchi  wakiwa na  wazazi wakipata taarifa juu taarifa mbalimbali kabla ya safari ya kwenda katika vyuo katika ukumbi wa Mwalimu Nyerere jijini Dar es Salaam.
 Waziri wa Zamani wa Elimu, Mbunge wa Bagamoyo, Mhandisi Dk. Shukuru Kawambwa akizungumza na wanafunzi wanaokwenda kusoma vyuo vikuu vya nje katika Mkutano ulioandaliwa na Global Education Link (GEL) 
 Afisa wa Habari Mwandamizi wa Tume ya Vyuo Vikuu Nchini (TCU),Edward Mkaku akizungumza juu ya Global inavyofanya  kazi kwa ukaribu  na TCU kwa wanafuzi wanaokwenda  kuwa  taarifa za  tuume hiyo.
 Mwanasaikolojia ,Chris Mauki akizungumza juu ya masuala ya Saikolojia katika kuwajenga wanafunzi wanaokwenda kusoma vyuo vikuu vya nje ya nchi.
 Baadhi ya wazazi wakichangia maada zinazohusiana na wanafunzi wanaokwenda kusoma vyuo vikuu vya Nje ya Nchi.

Wanafunzi wote wanaokwenda kusoma vyuo vikuu vya nje wametakiwa  kuwa na kibali cha Tume ya Vyuo Vikuu Nchini (TCU) bila kufanya hivyo wanafunzi hao hawatatambulika kutokana na viwango walivyoweka.

Hayo ameyasema Afisa Habari Mwandamizi wa TCU, Edward Mkaku katika Mkutano wa Wanafunzi wanaokwenda kusoma Vyuo Vikuu vya Nje ya Nchi uliokuwa umeandaliwa na Global Link Education Link (GEL), kwa ajili ya kupeana maelekezo kwa Wanafunzi wanaokwenda nje kusoma vyuo Vikuu vya Nje ya Nchi mkutano uliofanyika katika ukumbi wa Mwalimu Nyerere jijini Dar es Salaam.

Mkaku amesema GEL inafuata taratibu na huwa haipeleki wanafunzi vilaza ambao hawapati vibali kutotaka TCU. Amesema kuwa TCU ndio inafanya utambuzi wa vyuo ambavyo wanafunzi wanakwenda kusoma ikiwa ni kuangalia ubora wa vyuo hivyo.

Nae Mkurugenzi Mtendaji wa GEL , Abdulmalik Mollel amesema kuwa katika vitu wanavyofanya ni uhakika kwa wanafunzi kwenda kusoma katika vyuo vikuu vya nje ya nchi.Amesema mkutano huo wanaoufanya ni kujiweka wazi kuwa hakuna kificho kwa kile ambacho wanakifanya kwa wanafunzi wanaokwenda vyuo vikuu vya nje.

Waziri zamani wa Elimu , Sayansi na Teknolojia, Mbunge wa Bagamoyo, Mhandisi Dk. Shukuru Kawambwa amesema kuwa wanafunzi wakasome na kuweza kuleta maendeleo.

Amesema kuwa wanafunzi wanaokwenda kusoma vyuo vikuu vya nje wakapepelushe bendera kwa kufanya vizuri na kuweza kurudi vyeti.

Sunday, 13 August 2017

WANAFUNZI JITEGEMEE SEKONDARY WATAKIWA KUTUMIA MITANDAO YA KIJAMII KWA AJILI YA KUJIFUNZIA

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 
 Gwaride la ukakamavu la wanafunzi wa kidato cha tano wa Shule ya Sekondari ya Jitegemee JKT Mgulani likipita mbele ya mgeni rasmi katika hafla iliyofanyika shuleni hapo jijini Dar es Salaam jana.

Thursday, 3 August 2017

TIGO YATOA MSAADA KOMPYUTA 47 CHUO KIKUU CHA DODOMA

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 
Makamu Mkuu wa Chuo Kikuu Dodoma,  Prof. Idris Kikula akipokea moja  kati ya komputa 47 za thamani ya shilingi milioni 71/- toka kwa Kaimu Mkurugenzi Mkuu wa Tigo, Simon Karikari.Wengine kutoka kushoto Makamu Msaidizi Mkuu wa Chuo, Utawala, Mipango na Fedha, Prof. Ahmed Amme, Makamu Mkuu Msaidizi Chuo Kikuu Udom, Prof. Peter Msofe, Meneja huduma kwa jamii Tigo, Halima Okash(mwenye kilemba) na Meneja mawasiliano Tigo, Woinde Shisael. Hafla iliyofanyika jana chuoni hapo.

Wednesday, 2 August 2017

MAONI YA WAKUU WA VYUO VYA MAENDELEO NA USTAWI WA JAMII NCHINI KUHUSIANA NA MAFUNZO YA UDHIBITI WA VIASHIRIA HATARISHI KATIKA UTENDAJI WA KAZI.

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote.



Monday, 31 July 2017

IFM KUTOA ELIMU JUU YA KOZI ZAKE MBALIMBALI

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote.

Imeandikwa na Mroki Mroki
Maofisa wa Chuo cha Usimamizi wa Fedha (IFM) wakitoa maelekezo mbalimbali kwa watu waliofika chuoni hapo jijini Dar es Salaam jana kwaajili ya kupata maelekezo na kujiunga na chuo hicho kwa kozi mbalimbali zinazotolewa. IFM imetenga juma moja kwaajilinya kutoa ufafanuzi kwa wazazi na watoto wao wanaopenda kujiunga na chuo hicho.
CHUO Cha Usimamizi wa Fedha nchini (IFM) kimetenga mda wa wiki moja kwa ajili ya kutoa ufafanuzi, maelekezo na kufanya udahili wa kozi mbamlimbali zinazotolewa na chuo hicho.
Mkuu wa Kitivo cha Bima na Hifadhi ya Jamii katika Chuo Hicho Bwana Kadida Mashaushi alisema jana jijini Dar es Salaam kuwa zoezi hilo litaanza tarehe 29 mwezi huu na kumalizika tarehe 5 mwezi ujao (8) katika Chuo hicho kilichopo jijini hapa.
“Kwa wale wakazi wa Dar es Salaam na wale wa mikoa ya jirani, fursa hii ambayo imetolewa na chuo cha usimamizi wa fedha nchini ni adimu kwa kutoa maelekezo kwa wazazi, wanafunzi watarajiwa, waombaji na wadau mbalimbali kuzielewa kwa usahihi kozi mbalimbali ambazo zinatolewa na chuo,” alisema.
Bwana Mashaushi alisema kuwa zoezi hilo ni mwitikio wa chuo hicho baada ya serikali kutoa muongozo kwa namna ambavyo wanafunzi wapya wa elimu ya juu watadahiliwa mwaka huu wa masomo (2017/18) na maelekezo yaliotolewa kuhusu vigezo vya kuingia elimu ya juu.
Alisema kutokana na maelekezo hayo, kumekuwepo na mkanganyiko miongoni mwa wa wadau mbalimbali kwenye sekta ya elimu ya juu hususani kwa upande wa wanafunzi wanaotarajia kujiunga na vyuo vikuu hapa nchini, hivyo kupelekea chuo hicho kuanzisha hilo zoezi kwa ajili ya kusaidia katika kutatua changamoto hizo.
“Zoezi hili litasaidia wale ambao wanatamani kuingia elimu ya juu, kuwawekea wepesi wa kutosha ili kufanikisha malengo yao,” alisema na kuongeza kuwa katika zoezi hilo, chuo hicho kinatoa maelekezo ya kina na kujibu maswali yale ambayo jamii kwa ujumla imekanganyikiwa baada ya mabadiliko ya udahili yalitolewa mwaka huu na serikali.
Alitaja baadhi ya changamoto hizo kuwa ni uelewa usietosheleza kwa muomba na kupelekea baadhi ya wao kuomba kozi ambayo hana sifa nayo na ombi lake kwenda kwa katika kozi mabayo sio sahihi na baadaye kutochaguliwa.
Bwana Mashaushi alisema pia wakati huohuo vyuo navyo huenda viakapata wanafunzi wachache katika zile nafasi ambazo zipo. Zoezi la udahili kwa wanafunzi wa elimu ya juu linatrajiwa kusitishwa tarehe 30 mwezi ujao (8) mwaka huu.
“Changamoto kubwa kwa vyuo kutokua ufafanuzi ili kila mwenye alama zinazotosheleza akapata kuomba kwa usahihi kwa mujibu wa vigezo viliwekwa na serikali, vyuo na taratibu ambayo serikali imeweka mwak huu,” aliongeza.
Kwa hatua nyingine, Bwana Mashaushi alisema kuwa kwa wale wa mikoa ya mbali, watapata taarifa mbalimbali kuhusu udahili wa mwaka huu kupitia tovuti ya chuo ambapo pia watapata fomu ya maombi ya kujiunga na chuo.
“Kwa wale wa Mwanza watapata maelekezo, ufafanuzi katika kituo chetu cha mafunzo kilicho huko ambapo watakutana na maaofisa wetu. Na wale wengine ambao pia hawataweza kufika wanaweza kutumia tovuti yetu na njia ya posta katika kuwasilisha fomu zao,” alisema.
IFM imejikita katika kutoa kozi za uhasibu ngazi ya shahada, stashahada na cheti. Pia chuo hicho kimejikita katika fani ya bima na hifadhi ya jamii ambapo halikadhalika inatolewa kozi ya shahada kozi ya bima na hifadhi ya jamii na kozi maeneo ya kodi kwenye ngazi ya shahada, stashahada na cheti.
“Chuo pia kiko vizuri na miongoni mwa vyuo vichache ambavyo vinatoa mafunzo katika maswala ya bank na fedha katika ngazi ya shahada (Bachelor of banking and finance) na stashahada (ordinary diploma in banking and finance) na cheti kwa wanafunzi watarajiwa elimu ya juu.
CHANZO HABARI LEO
 

VYUO VIKUU VYATAKIWA VIZALISHE WATALAAM WA KUSAIDIA TAIFA KWENYE MAENDELEO

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote.  

Waziri wa Elimu na Mafunzo wa Serikali ya Mapinduzi Zanzibar, Riziki Pembe Juma akizungumza wakati wa kufunga maonesho ya vyuo vikuu nchini katika viwanja vya mnazi mmoja jijini Dar es Salaam.
Kaimu Katibu Mtendaji wa Tume ya Vyuo Vikuu nchini (TCU), Profesa Eleuther Mwageni akizungumza wakati maonesho ya vyuo vikuu nchini katika viwanja vya mnazi mmoja jijini Dar es Salaam.
Na Chalila Kibuda, Globu ya Jamii

Waziri wa Elimu na Mafunzo wa Serikali ya Mapinduzi Zanzibar, Riziki Pembe Juma ameviasa vyuo vikuu nchini vizalishe wataalam ambao watakuwa msaada kwa taifa.

Waziri huyo ameyasema hayo wakati akifunga maonesho ya vyuo vikuu nchini yaliyofanyika jijini Dar es Salaam, amesema kuwa serikali ya awamu ya tano inasisitiza viwanda hivyo lazima vyuo vijenge dhana hiyo kwa kuzalisha wataalam wataofanya viwanda hivyo viwepo kutokana na ujuzi walionao.

Waziri Riziki ametaka vyuo vikuu kutokana na maonesho kuwa na mitazamo mipya ya kuwa na mitaala ambayo itazalisha wataalam wenye uwezo katika soko la ajira na hata kujiajiri.

Amesema kuwa serikali inaangalia vyuo vikuu vinavyofanya kazi ikiwa ni pamoja na kuangalia utafiti kwa ajili ya maendeleo ya taifa  pamoja na watu wote.

Nae Kaimu Katibu Mtendaji wa Tume ya Vyuo Vikuu nchini (TCU), Profesa Eleuther Mwageni amesema kuwa maonesho yajayo wataboresha na kuangalia uwezekano wa kuongeza siku kutokana na maoni ya wadau wa vyuo vikuu.

Friday, 28 July 2017

TCU YAWATOA HOFU WANAVYUO UDAHILI

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 

Imeandikwa na Jacquiline Ngoya na Mwani Aeshi
Ofisa Habari Mwandamizi, Edward Mkaku
TUME ya Vyuo Vikuu Tanzania (TCU) imesema kuwa haitegemei kufutiwa udahili kwa wanafunzi kwa baadhi ya vyuo, kutawakosesha baadhi ya wanafunzi watarajiwa nafasi au kozi walizodhamiria kwenda kuzisoma.
Akizungumza kwenye Viwanja vya Maonesho, Mnazi Mmoja jijini Dar es Salaam jana, Ofisa Habari Mwandamizi, Edward Mkaku alisema TCU haitahusika na wanafunzi ambao watakosa vyuo kwa sababu kwa sasa wameratibu udahili na hivyo ni jukumu la mwanafunzi kutafuta chuo kulingana na ufaulu alionao.
“Hatutarajii mwanafunzi kukosa chuo, na pia kufutiwa udahili kwa baadhi ya vyuo siyo sababu ya wanafunzi kukosa nafasi kwenye vile vyuo vilivyopo,” alisema.
CHANZOP HABARI LEO

Thursday, 27 July 2017

TCU YAJIZATITI KUIMARISHA UBORA WA ELIMU VYUO VIKUU.

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 



Na. Thobias Robert - MAELEZO

Tume ya Vyuo Vikuu Tanzania (TCU) itaendelea kusimamia kwa umakini ubora wa elimu vyuo vikuu ili kuzalisha wasomi wenye tija kwa Taifa na kuongeza ufanisi, ubunifu, maadili pamoja na utendaji kazi uliotukuka kwa vijana wanaohitimu elimu ya vyuo vikuu nchini.

Hayo yamesema leo na Afisa Habari Mwandamizi wa TCU Edward Mkaku wakati wa mahojiano na mwandishi wa habari hii katika maonesho ya vyuo vikuu yanayoendelea katika Viwanja vya Mnazi Mmoja Jijini, Dar es Salaam.

“Kwa sasa TCU tunaratibu udahili ambao unafanywa na vyuo vikuu vyenyewe, wakishamaliza kudahili majina yataletwa kwetu, na sisi tutapitia majina yote ili kuyahakiki kama yana vigezo vyote vya kujiunga na chuo husika. Tutashirikiana na Baraza la Mitihani na tukigundua kuna mtu amechomekewa kujiunga na chuo akiwa hana vigezo tutamuondoa,” amefafanua Mkaku.

Amesema kuwa tume hiyo itatembelea vyuo vyote nchini ili kufanya ukaguzi wa jina kwa jina kwa ajili ya kujiridhisha, na kama ikitokea hakuna kasoro yoyote basi mwanafunzi ataendelea na masomo.

Mkaku aliongeza kuwa, ingawa zoezi la udahili limerudishwa vyuoni lakini bado TCU ina mamlaka ya kusimamia ubora, mwenendo, mitaala pamoja na kozi zinazotolewa vyuoni ili kukuza na kuendeleza elimu bora kwa ajili ya kuinua Taifa hasa wakati huu ambapo Taifa linaelekea katika mapinduzi ya uchumi wa viwanda.

Aidha amewataka wahitimu wawe makini katika kuzisoma kozi na kuchagua ili kusiwepo na mkanganyiko na malalamiko yanayotokana na kukosea kuchagua au kupangiwa kozi ambayo mhitimu hakuomba.

Hapo nyuma zoezi la udahili wa vyuo vikuu lilikuwa likifanywa na TCU, lakini kutokana na kuwepo kwa malalamiko mengi ya wanafunzi ya kupangiwa vyuo au kozi ambazo hawakuzichagua ama kuzipenda, mapema mwaka huu Rais Dkt. John Pombe Magufuli alisitisha zoezi la udahili  kupitia TCU na kuagiza udahili kufanyika moja kwa moja vyuoni kuanzia mwaka wa masomo wa 2017/18.
 

SERIKALI YAPIGILIA MSUMARI UDAHILI

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 

 Imeandikwa na Waandishi Wetu
BAADHI ya vyuo vilivyosimamishwa kufanya udahili katika baadhi ya programu zake, vimebainisha kuwa vimeanza kuchukua hatua ya kuondoa dosari hizo, na viko tayari kufanyiwa uhakiki tena.
Hayo yamebainishwa jana kwa nyakati tofauti jijini Dar es Salaam kwenye maonesho ya 12 ya Taasisi za Elimu ya Juu nchini yanayoendelea katika viwanja vya Mnazi Mmoja. Kwa upande wake, Makamu Mkuu wa Chuo cha Mtakatifu Augustine (SAUT), Padri, Thadeus Mkamwa alikiri kuwa baadhi ya matawi ya chuo chake, yamesimamishiwa udahili katika baadhi ya programu zake, lakini ni kutokana na tatizo la mawasiliano baina ya chuo hicho na TCU.
“Ni kweli walituletea notisi ya siku 14 tujibu kuhusu upungufu waliobaini, tumewajibu mapema tu, lakini wakati tunasubiria matokeo, tukasikia kwenye vyombo vya habari kuwa, baadhi ya programu zetu zimesimamishwa zisifanyiwe udahili, lakini tunalifanyia kazi,” alisema Mkamwa ambaye pia ni Mwenyekiti wa Umoja wa Wakuu wa Vyuo Vikuu nchini. Kwa upande wake, Ofisa Uhusiano wa Vyuo Vikuu vya Kanisa Katoliki, Atunus Simwambi, alikiri kuwa programu iliyosimamishiwa udahili ilikuwa kwa muda wa miaka mitatu angu ianzishwe haijawahi kuwa na wanafunzi na hivyo kutofundishwa chuoni hapo.
“Programu hii ilianzishwa kwa ajili ya watu wanaotakiwa kuwa mapadri au wanaokwenda kufanya kazi za utume katika maeneo mbalimbali. Kwa kuwa kuna mchakato wa kuunganisha chuo chetu na Chuo cha Filosofia cha Kibosho, tulitarajia programu hii itarejea,” alisema. Chuo hicho kimesitishiwa programu moja ya Bachelor of Arts in Philosophy with Ethics. Naye Makamu wa Chuo cha Waislamu cha Morogoro (MUM), Profesa Hamza Njozi, pamoja na kukiri kuwa katika baadhi ya programu zilizosimamishwa udahili zilikuwa na changamoto ya walimu, alieleza kuwa dosari hizo zimefanyiwa kazi kama ambavyo Tume ya Vyuo Vikuu Tanzania (TCU) ilivyoagiza katika notisi yake ya siku 14.
Alisema chuo hicho kilipatiwa notisi ya siku hizo 14 inayoanzia Julai Mosi hadi 14, mwaka huu, kufanyia marekebisho dosari hizo, lakini hata baada ya kutoa majibu, walishtukia kupitia vyombo vya habari, kuwa programu hizo zimesimamishiwa udahili. Akizungumzia taarifa ya TCU, Ofisa Mtendaji Mkuu wa Shirikisho la Watoa Elimu Wasiotegemea Serikali Kusini mwa Jangwa la Sahara(CIEPSSA), Benjamin Nkonya alisema uamuzi huo wa serikali ni nzuri kwani una nia njema ya kurudisha heshima ya elimu nchini.
Nkonya alisema hatua hiyo inapaswa kuungwa mkono na wadau wa elimu nchini kwa sababu yapo baadhi ya mambo ambayo yamechangia kiwango cha elimu kushuka wakiwemo baadhi ya wasomi ambao wameonesha udhaifu kwenye utendaji wao. “Kwanza kabisa tunaona jinsi rais anavyokerwa na baadhi ya wasomi ambao wanavuruga nchi badala ya kuwa kioo, ameona hakuna mwelekeo nah ii inawezekana ikatokana na mfumo wa elimu ambao wakati mwingine baadhi ya shule au vyuo vimetoa elimu isiyokidhi, sasa tunapojisahihisha ni vizuri ili tuwe na mfumo thabiti kwa manufaa ya taifa,” alisema Nkonya.
Alisema kwa bahati nzuri sekta ya elimu nchini kwa sasa imepata mtu sahihi kwenye wizara hiyo inayoongozwa na Profesa Joyce Ndalichako ambaye hata wao wana imani ataendelea kuiboresha zaidi kwa sababu utendaji kazi wake unatambulika. “Profesa Ndalichako ni mtu makini, nakumbuka nilipokuwa Shirikisho la Wamiliki na Mameneja wa Shule na Vyuo Visivyo Vya Serikali (TAMANGSCO) zaidi ya miaka 10, Profesa Ndalichako alipokuwa NECTA, aliadhibu shule au vyuo vilivyokosea, na alitoa adhabu kali hata wakati mwingine kufutia matokeo shule nzima alipobaini udanganyifu, alifanya hivyo kulinda heshima ya elimu,” alisema Nkonya. Hivyo akashauri kuwa uamuzi uliofikiwa na serikali kupitia TCU ni uamuzi sahihi na kuvishauri vyuo husika kufuata maelekezo ili kuhakikisha kiwango cha elimu kitolewacho kina ubora unaotakiwa.
CHANZO HABARI LEO

Wednesday, 26 July 2017

UFAFANUZI WA TANGAZO LA AJIRA SEKTA YA AFYA

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 



WIZARA YA AFYA YATANGAZA NAFASI 3152 ZA AJIRA

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 
 



NEWS ALERT: UDSM YASTUKIA MATAPELI WANAOWAHADAA WANAFUNZI WANAOOMBA UDAHILI

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote.



Tumepata taarifa kwamba kuna matapeli wamekuwa wakiwahadaa wanafunzi wanaoomba udahili wa mwaka wa kwanza Chuo Kikuu cha Dar es Salaam kwa kuwapa taratibu zisizo sahihi na kisha kuwaibia fedha zao. 

Tunaomba kuujulisha umma kwa ujumla kwamba udahili Chuo Kikuu cha Dar es Salaam unafanywa kwa kupitia mfumo wa kompyuta katika mtandao maalumu unaopatikana katika tovuti iliyopo kwenye anuani: udsm.admission.ac.tz. Maelezo ya jinsi ya kuomba udahili pamoja na habari nyingine za udahili zinapatikana katika tovuti ya chuo yenye anuani: www.udsm.ac.tz

Maombi hayapokelewi kwa kujaza fomu. Pili, ada ya maombi ya udahili ni Shilingi 20,000/= tu ambazo zinalipwa kwa kutumia mitandao ya simu kwa kufuata maelekezo yaliyowekwa kwenye mfumo wa udahili. 

Tunatoa pole kwa waliopata usumbufu na tunasisitiza umuhimu wa kufuata taratibu zilizo rasmi katika zoezi zima la udahili.

Tunawatakia udahili mwema.

Imetolewa na Kurugenzi ya Shahada za Awali
Simu:       +255222410069

+255222410751

Tuesday, 25 July 2017

TCU YASITISHA UDAHILI KWA VYUO 19 KATIKA MWAKA WA MASOMO 2017/2018.

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote.

Friday, 21 July 2017

UDAHILI WA WANAFUNZI WANAOTAKA KUJIUNGA VYUO VIKUU KUANZA JULAI 22, 2017

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. insta : @matukionawanavyuo Tumieni mtandao huu ni wenu nyote. 



Na Lilian Lundo - MAELEZO.


Tume ya Vyuo Vikuu Tanzania (TCU) umeutangazia Umma kuwa kuanzia Julai 22 mwaka huu vyuo vyote vya elimu ya juu hapa nchini vitaanza kupokea maombi ya udahili kwa mwaka wa masomo  2017/2018.
Kaimu Katibu Mtendaji wa Tume hiyo Prof. Eleuther Mwageni (pichani) ameyasema hayo leo, Jijini Dar es Salaam alipokuwa akiongea na waandishi wa habari juu ya kuanza rasmi udahili kwa mwaka 2017/2018.
Prof. Mwageni amesema kuwa waombaji wanatakiwa kutuma maombi yao  kwenye vyuo husika na siyo tena TCU kama ilivyokuwa kwa mwaka jana na miaka mingine ya nyuma.
Aidha amesema kuwa waombaji wahakikishe wanaomba programu za masomo ambazo zimeidhinishwa na kutambuliwa na TCU na Baraza la Taifa la Elimu ya Ufundi (NACTE).
"Tunavikumbusha vyuo kutangaza programu ambazo zimeidhinishwa na kutambuliwa na TCU na NACTE, ikiwa chuo kitatangaza programu ambazo  hazitambuliki na Tume, basi chuo husika kitachukuliwa hatua," amesema Prof. Mwageni.
Ameendelea kwa kusema kuwa, orodha ya programu hizo inapatikana katika tovuti ya TCU ( www.tcu.go.tz) ambapo programu hizo zimegawanywa katika makundi mawili yaani Kidato cha Sita na Diploma.
Vile vile, Prof. Mwageni amewataka waombaji watakao chaguliwa kwa zaidi ya chuo kimoja, kuthibitisha kwa wakati chuo watakachokwenda ili kutoa nafasi kwa waombaji wengine.
Waombaji wamehimizwa kusoma kwa makini mwongozo wa udahili kwa mwaka 2017/18 ambao unapatikana kwenye tovuti ya Tume.  
Aidha Tume inawakaribisha wadau wote kushiriki maonesho ya Elimu ya Juu, Sayansi na Teknolojia yatakayofanyika viwanja vya Mnazi Mmoja, Jijini Dar es Salaam kuanzia Jula 26 hadi 29 mwaka huu ambapo zaidi ya vyuo 80 vinatarajiwa kuwepo katika maonesho hayo.