Social Icons

Featured Posts

Tuesday, 28 June 2016

WAZIRI NAPE NNAUYE AZINDUA REDIO YA JAMII KATIKA CHUO KIKUU HURIA CHA TANZANIA (OUT) JIJINI DAR ES SALAAM.

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255629914471. insta : @matukionawanavyuo Tumieni mtandao huu ni wenu nyote. 

Waziri wa Habari Utamaduni Sanaa na Michezo Mhe. Nape Nnauye akiongea na Viongozi wa Chuo Kikuu Huria cha Tanzania (OUT), Wageni waalikwa, baadhi ya Wanafunzi wa chuo hicho pamoja na Waandishi wa Habari wakati wa Uzinduzi wa Redio ya Jamii ya ‘’Community Media Network of Tanzania (COMNET)’’ 27 Juni, 2016 Jijini Dar es Salaam.

Makamu Mkuu wa Chuo Kikuu Huria Tanzania (OUT), Prof. Elifas Bisanda akiongea na Viongozi wa Chuo hicho, wageni waalikwa, baadhi ya Wanafunzi wa chuo hicho pamoja na Waandishi wa Habari wakati wa Uzinduzi wa Redio ya Jamii ya ‘’Community Media Network of Tanzania (COMNET)’’ 27 Juni, 2016 Jijini Dar es Salaam.

Mwakilishi wa Umoja wa Mataifa toka Shirika la Umoja wa Mataifa la Elimu, Sayansi na Utamaduni (UNESCO), Bi. Zulmira Rodrigues akiongea na Viongozi wa Chuo hicho, wageni waalikwa, baadhi ya Wanafunzi wa chuo hicho pamoja na Waandishi wa Habari wakati wa Uzinduzi wa Redio ya Jamii ya ‘’Community Media Network of Tanzania (COMNET)’’ 27 Juni, 2016 Jijini Dar es Salaam.

Waziri wa Habari Utamaduni Sanaa na Michezo Mhe. Nape Nnauye (kushoto) akikata utepe kuashiria Uzinduzi rasmi wa Redio ya Jamii ya ‘’Community Media Network of Tanzania (COMNET)’’ 27 Juni, 2016 Jijini Dar es Salaam. Wanaoshuhudia kulia ni Mwakilishi wa Umoja wa Mataifa toka Shirika la Umoja wa Mataifa la Elimu, Sayansi na Utamaduni (UNESCO), Bi. Zulmira Rodrigues pamoja na Makamu Mkuu wa Chuo Kikuu Huria Tanzania (OUT), Prof. Elifas Bisanda.

Waziri wa Habari Utamaduni Sanaa na Michezo Mhe. Nape Nnauye (kulia) akijibu baadhi ya maswali toka kwa Waandishi wa habari ndani ya Studio ya ‘’Community Media Network of Tanzania (COMNET)’’ mara baada ya kuizindua rasmi 27 Juni, 2016 Jijini Dar es Salaam.

Waziri wa Habari Utamaduni Sanaa na Michezo Mhe. Nape Nnauye (kushoto) akifafanua jambo mbele ya Waandishi ndani ya Studio ya ‘’Community Media Network of Tanzania (COMNET)’’ mara baada ya kuizindua rasmi 27 Juni, 2016 Jijini Dar es Salaam.

Waziri wa Habari, Utamaduni, Sanaa na Michezo, Mhe. Nape Nnauye (kushoto) akijadiliana jambo na Mwakilishi wa Umoja wa Mataifa toka Shirika la Umoja wa Mataifa la Elimu, Sayansi na Utamaduni (UNESCO), Bi. Zulmira Rodrigues mara baada ya kuzindua rasmi Studo ya Redio ya Jamii ya Communituy Media Network of Tanzania (COMNET) 27 Juni, 2016 jijini Dar es Salaam.


Waziri wa Habari Utamaduni Sanaa na Michezo Mhe. Nape Nnauye (kushoto) akiagana na Makamu Mkuu wa Chuo Kikuu Huria Tanzania (OUT), Prof. Elifas Bisanda  mara baada ya Uzinduzi wa Redio ya Jamii ya ‘’Community Media Network of Tanzania (COMNET)’’ 27 Juni, 2016 Jijini Dar es Salaam.
(Picha zote na Benedict Liwenga, WHUSM)

Na Shamimu Nyaki-WHUSM.

Waziri wa Habari Utamaduni,Sanaa na Michezo Mhe.Nape Moses Nnauye amezindua studio ya redio ya jamii ya ‘Community Media Network of Tanzania’ (COMNET)   katika Chuo kuku Huria( OUT )  itakayotumika kusambaza habari maeneo yenye uhaba wa redio.

Uzinduzi huo umefanyika   leo jijini Dar es Salaam,ambapo Mhe. Waziri  amesema kuwa studio hiyo itasaidia  idadi kubwa ya wanachi wanaoishi vijijini kupata habari kutoka Serikalini na kutoa mrejesho wa kile watakachosikia kwa urahisi.

“Ni Studio muhimu kwa ajili ya kusambaza demokrasia  kwa watu hasa wale waliopo vijijini kwa vile redio nyingi bado hazijawafikia”Alisema Mhe.Nape.

Aidha amewataka wanafunzi wa taaluma ya uandishi wa habari na  mawasiliano kwa umma katika  chuo  hicho kutumia studio hiyo kujifunza zaidi kwa vitendo na kuzingatia maadili ya uandishi wa habari kwa kuandika habari zenye ukweli kutoka vyanzo sahihi ili kutoa ujumbe wenye manufaa mazuri kwa jamii.

Kwa upande wake Makamu mkuu wa Chuo hicho Pro.Elifas Bisanda amesema studio hiyo imeanzishwa kwa ushirikiano na Shirika la Umoja wa Mataifa la Elimu Sayansi na Utamaduni(UNESCO)  kwa lengo kutoa elimu kwa jamii ambayo imekuwa haipati habari kwa urahisi.

Amewataka wanahabari na wananchi kwa ujumla   kufikisha habari katika studio hizo kwa kuwa inatumia njia ya haraka na rahisi katika kufikisha ujumbe kwa kushirikiana na redio mbalimbali za jamii.

 Naye mwakilishi kutoka Shirika la umoja wa mataifa linaloshughulikia Elimu,Sayansi,na Utamaduni(UNESCO) Bi. Zulimira Rodrigues  amesema studio ya redio ya ‘Community’ ipo kwa ajili ya kutoa elimu kwa jamii kuhusu maendeleo ya wanawake na vijana ambao ndio nguvu kazi ya Taifa.

Mpaka sasa Shirika hilo limefanikiwa kuanzisha redio za jamii katika baadhi ya mikoa ya Tanzania bara ambayo ni Mwanza,Arusha na Tanga na katika baadhi ya maeneo ya Unguja na Pemba.



Monday, 27 June 2016

MPYA KABISA: Haya hapa Majina ya Wanafunzi Waliochaguliwa Kujiunga Kidato cha 5, Vyuo Ufundi 2016

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255629914471. insta : @matukionawanavyuo Tumieni mtandao huu ni wenu nyote. 


1
OR-TAMISEMI inawatangazia majina ya wanafunzi waliochaguliwa kujiunga na Kidato cha Tano na Vyuo vya Ufundi kwa mwaka 2016. 
Wanafunzi waliochaguliwa ni kutoka shule za Serikali na zisizo za Serikali. Jumla ya wanafunzi 65,720 wakiwemo wasichana 29,457 na wavulana 36,263 wamechaguliwa kujiunga na Kidato cha Tano na Vyuo vya Ufundi.
Kati ya wanafunzi waliochaguliwa 34,064 wakiwemo wasichana 13,466 na wavulana 20,598 sawa na asilimia 52 watajiunga na masomo ya Sayansi na Hisabati; na wanafunzi 30,897 wakiwemo wasichana 15,445 na wavulana 15,452 sawa na asilimia 47 wamechaguliwa kusoma masomo ya Sanaa na Biashara na wanafunzi 759 wakiwemo wasichana 220 na wavulana 539 sawa na asilimia 1 wamechaguliwa kujiunga na vyuo vya Ufundi.
Wanafunzi waliochaguliwa kujiunga na Kidato cha Tano mwaka 2016 wataanza muhula wa kwanza tarehe 11 Julai, 2016 na hakutakuwa na mabadiliko yoyote ya shule.
Wanafunzi wote wanatakiwa kuripoti katika shule walizopangwa kwa wakati. Endapo mwanafunzi atachelewa kuripoti hadi tarehe 24 ambayo ndiyo siku ya mwisho ya kuripoti, nafasi yake itachukuliwa na mwanafunzi mwingine aliyekosa nafasi.
Imetolewa na Katibu Mkuu,
OR-TAMISEMI



TRA yazidi kuboresha timu ya kutoa elimu ya kodi, yazindua Jumuiya ya Wanafunzi wa Kodi IFM

Kwa wanavyuo wote watanzania popote Duniani Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255629914471. insta : @matukionawanavyuo Tumieni mtandao huu ni wenu nyote. 

Katika kuhakikisha kunakuwa na wasomi ambao wanakuwa na elimu kuhusu kodi, Mamlaka ya Mapato nchini (TRA) imefanya uzinduzi wa Jumuiya ya Wanafunzi wa Kodi (Student Tax Association) katika Chuo cha Usimamizi wa Fedha (IFM) ambapo wanachama hao watatumika kutoka elimu kwa wananchi wengine kuhusu kodi.

Akizungumza katika uzinduzi wa jumuiya hiyo, Mkurugenzi wa Huduma na Elimu kwa Mlipa Kodi wa TRA, Richard Kayombo alisema malengo ya kuwa na jumuiya za kodi vyuoni ni kuwezesha jamii kupata elimu ya kutosha kuhusu kodi kupitia wanachama wa jumuiya hizo ambao watakuwa wakipatiwa mafunzo kuhusu umuhimu wa kulipa kodi lakini pia kuhudhulia midahalo mbalimbali ambayo itakuwa inazungumzia kodi.

Alisema hatua ya kuanzisha jumuiya hizo imekuja baada ya kuwa na vilabu katika shule za msingi na sekondari nchini na sasa wakaona kuna umuhimu wa kuwa na wanachama kutoka vyuo vya elimu ya juu ili wawe mabalozi wa TRA ili kusaidia utoaji wa taarifa kuhusu kodi lakini pia na wao kutambua umuhimu wa kodi ili hata baada ya masomo yao waweze kuwa walipa kodi wazuri.
Mkurugenzi wa Huduma na Elimu kwa Mlipa Kodi wa TRA, Richard Kayombo akizungumza na wanafunzi wa Chuo cha Usimamizi wa Fedha (IFM) wakati wa uzinduzi wa Jumuiya ya Wanafunzi wa kodi chuoni hapo (Student Tax Association).

"Tulianzisha mfumo wa vilabu mwaka 2008 ambapo tuna vilabu 195 kwa Tanzania Bara na Zanzibar na katika vilabu hivyo tuna wanachama 15,520 hivyo tukaona sasa ni muhimu kuwa na wanachama kutoka vyuoni ili nao waweze kupata elimu kuhusu kodi,

"Wanachama wa jumuiya hizi watakuwa na shughuli ya kutoa elimu kwa watu wengine ambao hawana elimu ya kodi, kuandaa wataalum wa elimu ya kodi kwa miaka ya baadae na hata walipa kodi wa baadae kwani tayari watakuwa wanafahamu umuhimu wa kodi kwa maendeleo ya taifa," alisema Kayombo.
Makamu wa Rais wa Jumuiya ya Wanafunzi wa Kodi IFM (ISTA), Amon Ojode akielezea jinsi ambavyo wanafunzi wa IFM watanufaika na uwepo wa jumuiya hiyo chuoni hapo.

Nae Makamu wa Rais wa Jumuiya ya Wanafunzi wa Kodi IFM, Amon Ojode alisema kuwa ni fursa ya kipekee kwa wanafunzi wa chuo hicho kupata nafasi ya kuwa na jumuiya ya kodi na zaidi ni wanafunzi ambao wanajifunza masomo yanayohusiana na kodi hivyo wanaamini watakuwa wawakilishi wazuri wa TRA.
Mkurugenzi wa Huduma na Elimu kwa Mlipa Kodi wa TRA, Richard Kayombo akizungumza na wanafunzi wa Chuo cha Usimamizi wa Fedha (IFM) wakati wa uzinduzi wa Jumuiya ya Wanafunzi wa kodi chuoni hapo (Student Tax Association).
Waziri wa Afya na Mambo Yote kwa Ujumla katika serikali ya wanafunzi wa IFM (IFMSO), Suleiman Kahumbu akizungumza katika uzinduzi huo.
Meneja wa Huduma na Elimu kwa Mlipa Kodi wa TRA, Diana Masalla akizungumzia kodi wakati wa uzinduzi wa jumuiya hiyo.
Baadhi ya wanachama wa Jumuiya wa Wanafunzi wa Kodi IFM na wanafunzi wa chuo hicho waliohudhuria uzinduzi wa jumuiya chuoni hapo.



Sunday, 26 June 2016

TUKIO RASMI KATIKA PICHA: RAIS WA VoWET MAIDA WAZIRI AZINDUA UMOJA WA WANAFUNZI WA BIASHARA(BAA) ATOA SEMINA YA UJASILIAMALI, (TIA) DAR ES SALAAAM

Rais wa VoWET na Mkurugenzi Mtendaji wa IBRA Construction  Limited Bi. Maida Waziri akiongea na wanafunzi wa Chuo cha uhasibu TIA wakati wa uzunduzi rasmi wa umoja wa wanafunzi wa Biashara (BAA), ambapo aliwahimiza elimu wanayoipata wasiitumie kwenda kuombea kazi tuu lakini pia waitumie kwa ajili ya kufanya ujasiliamali.

Rais wa VoWET na Mkurugenzi Mtendaji wa IBRA Construction  Limited Bi. Maida Waziri akikata keki ikiwa ni ishara ya uzinduzi rasmi wa umoja huo.
 Mwenyekiti wa kamati ya maandalizi ya uzinduzi wa  BAA Gwamaka Andrew (Kushoto) akimmkabidhi Cheti cha Shukurani Mgeni rasmi Bi. Maida Waziri (Kulia)
 Mgeni Rasmi katika shughuli ya uzinduzi Rais wa V0WET na Mkurugenzi Mtendaji wa IBRA Construction  Limited Bi. Maida Waziri akisaini katika kitabu cha wageni
Wakieleka katika Sherehe hiyo ya uzinduzi
Wimbo wataifa ukiimbwa wakati wa Uzinduzi huo
Afisa Taaluma wa Chuo cha uhasibu TIA na Kaimu Mkurugenzi wa Chuo hicho Bw. Mugisha Kamala akitoa neno la utangulizi na shukurani kwa watu wote waliohudhuria katika uzinduzi huo.
Aliyekuwa Afisa Mipango wa BAA Alex Mujwahuzi akitambulisha baadhi ya Viongozi waliokuwepo katika uzinduzi huo
Afisa Mipango msaidizi mstaafu wa BAA Bi. Grace Samagoda akisoma risala kwa mgeni rasmi wakati wa uzinduzi huo
Aliyekuwa mwenyekiti wa BAA ambaye amemaliza muda wake Bw. Elisha Benard akitoa historia ya umoja huo
Mwenyekiti mpya wa BAA Bw. William Msemo akitoa neno la shukurani kwa kuchaguliwa pamoja na kuwaomba ushirikiano wanafunzi wenzake katika kipindi chote atakachokuwa madarakani.
Afisa Mwandamizi wa Mfuko wa Pensheni wa PSPF Bw. Delphin Richard akiwahimiza wanafunzi wa chuo cha TIA kujiunga na Mpango wa uchangiaji wa Hiari (PSS) ambapo pamoja na yote ataweza kupata Fao la Elimu.
Mratibu Mkuu wa Shughuli za kampuni ya Tone Multimedia Chande Abdallah akiwatambulisha wanafunzi wa chuo cha TIA blog ya wanachuo ya Matukio na wanavyuo ambapo mwanachuo yeyote atapata nafasi ya kupata matukio na Taarifa mbalimbali za wanavyuo nchini Tanzania.
Mwenyekiti wa Kamati ya maandalizi ya Uzinduzi rasmi wa umoja wa wanafunzi wa Biashara BAA Gwamaka Andrew akitoa neno la Shukurani kwa kufanikisha vema shughuli hiyo.
 Wanafunzi wa Taasisi ya uhasibu TIA wakitoa Burudani ya Nguvu
 Mhadhili kutoka Chuo cha Uhasibu masomo ya Biashara Bi. Asia Luowo (Kushoto) akikabidhiwa Cheti cha Shukurani na aliyekuwa Mwenyekiti Msaidizi wa BAA Bi. Maryam Seif (Kulia)
 Mwenyekiti Mstaafu wa BAA Bw. Bw. Elisha Benard (Kulia) akimkabidhi cheti cha shukurani Afisa Utawala wa Chuo cha Uhasibu TIA Bi. Beatrice Nkya
 Aliyekuwa Afisa Mipango wa BAA Bw. Alex Mujwahuzi(kushoto) Akimkabidhi zawadi Mgeni Rasmi Bi. Maida Waziri
Mhadhili kutoka Chuo cha Uhasibu masomo ya Biashara Bi. Asia Luowo (Kushoto) akabidhiwa zawadi na Irine Mbura ambaye ni mjumbe na katibu msaidizi wa BAA

Saturday, 25 June 2016